Малчин сум 2018 оны жил эцсийн мал тооллогын дүнгээр нийт 166.5 мянган толгой мал тоологдсон. Хонин толгойд шилжүүлснээр 225.6 мянган толгой, үүнээс Тэмээ- 723, Адуу- 4600, Үхэр-6715, Хонь- 104503, Ямаа-50019 тоологдож нийт дүнгээр 4737 толгойгоор өссөн байна.
Өвөлжилтийн бэлтгэл ажлын хүрээнд: Малчид болон мал бүхий иргэд сумын дүнгээр 890 тн өвс, 97 тн гар тэжээл, 245 тн хужир шүү бэлтгэж сумын аюулгүйн нөөцөд 32 тн өвс татан төвлөрүүлсэн байна.
Баянмандал баг, Баянхайрхан багийн нутаг дэвсгэрт цасан бүрхүүл ихтэй, мөсөн тахтай, нийт нутгаар хүйтний эрч чангарч шөнөдөө -40 хэмийн хүйтэн хонож байна. Цасны зузаан 15-25 см тогтсон.
Отроор бусад сумдад нийт 24 өрх, хүн ам 100, үүнээс 0-5 настай хүүхэд 11, өндөр настан 6, жирэмсэн эх 1, хѳгжлийн бэрхшээлтэй иргэн 1 байна. Бөхмөрөн суманд 11 өрх, Өлгий, Өмнөговь суманд 2 өрх, Цагаанхайрхан суманд 2 өрх, Сагил суманд 3 өрх, Хяргас суманд 5 өрх, Давст суманд 1 өрх , Бод бог нийт 21490 толгой мал отроор өвөлжиж байна Мөн цаашид цаг агаарын урьдчилсан төлөв байдлаар 1, 2-р сард хүйтний эрч чангарч цас унавал өвөлжилт хүндэрч болзошгүй байгаа талаар мэдээлэл өглөө.
Увс аймгийн Засаг даргын орлогч Т.Нямсамбуугаар ахлуулсан Эрчим хүчний зохицуулах зѳвлѳлийн гишүүд Малчин суманд ажиллаж байна. Тус сумын нэгдсэн халаалт хэвийн хэмжээнд ажиллаж чадахгүй байгаа. Ажилчдынх нь ажиллах орчин нѳхцѳл хүнд, цэцэрлэг, сургуулийн багш сурагчид, эмнэлэгт хэвтэн эмчлүүлэгчид даарч тух алдах байдалтай байгааг сумын удирдлагууд хэлж байна. 12-р сарын 1-нээс албан байгууллагуудын слесариудад дэвтэр хѳтлүүлж халаалтын ирж буцаж байгаа температурыг тэмдэглэж хэвшсэн байна. Эрчим хүчний зохицуулах зѳвлѳлѳѳс цаашид хэвийн хэмжээнд халааж чадахгүй байгаа компаниудын тусгай зѳвшѳѳрлийг цуцлах хүртэл арга хэмжээ авч ажиллан гэлээ.
