“Токио – 2020” олимпийн наадмын бамбарын загварыг өнгөрсөн гуравдугаар сарын 20-нд Токио хотноо танилцуулсан. Дизайнер Токүжин Ёшиокагийн урласан уг бамбар нь Япон улсын бэлгэ тэмдэг болох сакура цэцгийн хэлбэрийг агуулжээ.
Уг бамбарын тухай дизайнер Токүжин Ёшиока “Би “Токио – 2020” олимпийн наадмын бамбарын загварыг 2011 оны Иватэ муж дахь газар хөдлөлт, цунамид өртсөн хүмүүсийн дурсгалыг хүндэтгэж бүтээсэн. Гамшгийн дараа хүүхдүүдийн зурсан сакура цэцэг надад их гүн сэтгэгдэл төрүүлсэн учир би тэдний зургаас санаа авсан” хэмээн дурдсан байна.
