Засгийн газрын шийдвэрээр ОХУ-ын Ерөнхийлөгч В.Путины айлчлалын үеэр буюу энэ сарын 3-ны ажлын өдрийг бүх нийтийн амралтын өдөр болгон зарласан. Харин есдүгээр сарын 3-ны мягмар гарагийн ажлын өдрийг есдүгээр сарын 7-ны бямба гарагт шилжүүлсэн. Өнөөдөр буюу бямба гарагт сургууль, цэцэрлэг ажиллана.
Автомашиныг улсын дугаарын сүүлийн тоогоор хязгаарлаж хөдөлгөөнд оролцуулах журмаар бол өнөөдөр 2, 7 тоогоор төгссөн автомашин хөдөлгөөнд оролцох ёсгүй. Гэвч өнөөдөр дугаарын хязгаарлалт үйлчлэхгүй гэдгийг Тээврийн цагдаагийн албанаас мэдээллээ.
